ᓇᓄᕐᓂᑦ ᐅᓂᒃᑳᓖᑦ ᐱᓕᕆᖃᑎᒌᑦᑐᑎᑦ, ᐊᔾᔨᒌᓐᖏᕈᓘᔭᖅᑐᓂᒃ ᓂᐱᓕᑦᑕᖃᖅᑐᓂ ᐃᓱᒪᒋᔭᐅᔪᓂᓪᓗ ᓇᒥᑐᓐᓇᖅ ᓄᓇᓕᓐᓂᑦ, ᑲᑐᔾᔨᖃᑎᒌᓐᓂᒃ ᐊᐅᓚᑦᑎᓂᕐᒥᓪᓗ.. ᑖᓐᓇ ᐱᓕᕆᐊᖑᔪᖅ ᓇᓗᓇᐃᖅᓯᒻᒪᑦ ᐃᓄᓐᓂᑦ ᓯᕗᓕᖅᑎᐅᔪᓂᒃ ᐊᑐᐊᖅᓯᔾᔪᑎᓕᓐᓂᑦ ᐃᓱᒪᒋᔭᒥᓂᒃ ᓂᕐᔪᑎᓂᒃ ᐊᐅᓚᑦᑎᖃᑎᖃᕐᓂᕐᒥᑦ ᑲᑎᒪᖏᓐᓂ, ᐆᒪᔪᕐᓂᐊᖅᑎᒃᑯᓐᓂ, ᐃᓐᓇᕐᓂᑦ, ᐊᓯᕙᖅᑎᓂᒃ, ᐃᓅᓱᑦᑐᓂᒃ, ᑕᕐᕆᔭᖅᓴᓕᐅᖅᑎᓂᓪᓗ. ᐱᕙᓪᓕᐊᑎᓪᓗᒋᑦ ᑕᒪᑐᒥᖓ, ᐊᔾᔨᓕᐅᕆᔪᑦ ᐊᐱᖅᓱᖅᑐᑦ ᓇᑲᑎᕆᕙᑦᑐᓂᒃ ᐅᓂᒃᑳᖅᑐᐊᖅᑐᓂᒃ, ᓴᓇᔭᐅᕙᓪᓕᐊᓯᒪᔪᑦ ᓄᐊᓯᒪᔭᖏᓐᓂ ᐅᓂᒃᑳᕐᓂᑦ ᐅᑉᐱᕆᔭᐅᔪᓂᒃ ᐊᑐᖅᑕᐅᓯᒪᔪᓂᒃ ᐱᖃᑕᐅᔪᓂᒃ ᓄᓇᓕᓐᓂᑦ. ᐱᖃᑕᐅᔪᑦ ᐅᓂᒃᑳᖅᑐᑎᓪᓗ ᐱᒻᒪᕆᐅᓯᒪᓪᓗᑎᓪᓗ, ᐱᓕᕆᖃᑎᖃᐃᓐᓇᖅᑐᑎᑦ ᓈᒻᒪᑦᑐᓂᑦ ᐱᔭᕆᐊᓕᓐᓂᒃ, ᓈᒻᒪᑦᑎᐊᖅᑐᓂᒃ ᑐᑭᖃᑦᑎᐊᖅᑐᓂᓪᓗ ᐃᓄᓐᓄᑦ ᐅᓂᒃᑳᖅᑐᐊᖅᑐᓂᒃ.
ᓇᓄᖅ ᖃᐅᔨᒪᓂᑐᖃᐅᔪᓂᒃ ᐱᓕᕆᐊᖅ
ᐃᓗᓕᖏᓐᓂ ᐅᑭᐅᖅᑕᖅᑐᒥ ᐆᒪᔪᓕᕆᓂᕐᒧᑦ ᐊᐅᓚᑦᑎᓂᕐᒥᑦ, ᕿᑭᖅᑖᓘᑉ ᐃᑭᕋᓴᖓᓃᑦᑐᑦ ᓇᓄᐃᑦ ᐊᓯᒃᑲᓐᓂᖏᑦ ᐆᑦᑑᑎᑦᑎᐊᕙᒃ ᐱᔭᕆᐊᑐᓂᖏᓐᓂ ᑲᒪᑦᑎᐊᕆᐊᖃᕐᓂᕐᒧᑦ ᑭᓪᓕᓐᓂ ᐊᒻᒪᓗ ᐱᖅᑯᓯᖏᓐᓂ ᐱᒻᒪᕆᐅᓂᖏᓐᓂ ᓂᕐᔪᑏᑦ. ᓲᕐᓗ, ᐃᓄᐃᑦ ᓄᓇᕗᒻᒥ, ᓄᓇᕕᒃ, ᓄᓇᑦᓯᐊᕗᒻᒥᓪᓗ ᑭᓪᓕᖏᓐᓂ ᒪᓕᖃᑦᑕᕐᖓᑕ ᐱᔪᓐᓇᐅᑎᖏᓐᓂ ᐱᑕᖃᒃᑲᓂᖅᑐᓂᒃ ᓇᓄᕐᓂᑦ, ᑭᓯᐊᓂᓕ ᑲᑎᒐᔪᓐᖏᑦᑎᐊᕐᖓᑕ ᐅᓂᒃᑳᖃᕐᓗᑎᑦ ᖃᐅᔨᒪᓂᑐᖃᖏᓐᓂ ᐸᕐᓇᐅᑎᓂᓪᓗ ᐃᑲᔪᖅᑐᐃᔾᔪᑕᐅᒐᔭᖅᑐᓂᒃ ᐃᓄᓐᓄᑦ ᐊᒻᒪᓗ ᓇᓄᖅᑕᓕᓐᓂᑦ ᐊᕕᑦᑐᖅᓯᒪᔪᓂᒃ. ᑖᒃᑯᐊ ᐃᓗᐊᓂ, ᐊᔾᔨᐅᓐᖏᑦᑐᓂᑦ ᐊᐅᓚᑦᑎᖃᑎᖃᕐᓂᖏᓐᓂ ᐱᓕᕆᖃᑎᒌᓕᓚᐅᖅᓯᒪᔪᑦ 2022−ᒥ ᑖᒃᑯᓂᖓ ᑑᕐᖓᖅ ᓂᕐᔪᑎᓕᕆᓂᕐᒧᑦ ᐱᕈᖅᑐᓂᓪᓗ ᐊᐅᓚᑦᑎᖃᑎᖃᕐᓂᕐᒥᑦ ᑲᑎᒪᔨᖏᓐᓂ, ᓄᓇᕗᑦ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ, ᐊᒻᒪᓗ ᓄᓇᕕᒻᒥ ᐃᒪᓕᕆᓂᕐᒧᑦ ᓂᕐᔪᓕᑎᕆᓂᕐᒧᓪᓗ ᑲᑎᒪᔨᖏᓐᓂ, ᑕᐃᔭᐅᓪᓗᑎᑦ ᓇᓄᕐᓂᑦ ᖃᐅᔨᒪᔪᒻᒪᕇᑦ ᐅᖃᖃᑎᒌᑉᐸᑐᓪᓗ ᐱᓕᕆᐊᖑᓪᓗᓂ. ᑖᓐᓇ ᐱᓕᕆᐊᖅ ᑐᕌᒐᓕᒃ ᐊᐅᓚᑦᑎᑦᑎᐊᑲᓐᓂᕈᒪᓪᓗᑎᑦ ᓇᓄᕐᓂᑦ ᐊᒻᒪᓗ ᖁᕝᕙᓯᓐᓂᖅᓴᓂᑦ ᑐᑭᓕᐅᕆᖃᑦᑕᕐᓗᑎᑦ ᐅᓂᒃᑳᖃᖃᑦᑕᕐᓗᑎᓪᓗ ᖃᔨᒪᔭᐅᔪᑐᖃᕐᓂᑦ ᐱᖓᓱᓂᑦ ᐊᕕᑦᑐᖅᓯᒪᔪᓂᒃ, ᑕᐃᑲᓂᔅᓴᐃᓐᓇᖅ ᓄᓇᖃᕐᓂᕋᖅᑕᐅᔪᑦ ᑭᓪᓕᖏᓐᓂ ᐃᓄᐃᑦ ᐊᑐᓂ ᐊᕕᑦᑐᖅᓯᒪᔪᓂᒃ ᐊᐅᓚᑦᑎᖃᑦᑕᕐᓂᖏᓐᓂᑦᑕᐅᖅ ᐅᑉᐱᕆᔭᖃᑦᑎᐊᕐᓗᑎᑦ ᐊᐃᕙᔾᔪᑎᖃᖃᑦᑕᖅᓯᒪᒻᒪᑕ ᐅᓪᓗᒥᐅᔪᖅ ᓄᓇᑖᕈᑎᓄᑦ ᐊᖏᕈᑎᖏᓐᓂ. ᐃᓚᒋᖃᓯᐅᑎᓪᓚᕆᒻᒪᒍ ᑕᕝᕙᓂ ᐱᓕᕆᐊᒥ ᐋᖅᑭᔅᓱᐃᓂᖅ ᕿᑭᖅᑖᓘᑉ ᐃᑭᕋᓴᖓᓂ ᐊᒥᓱᓂᑦ ᖃᐅᔨᒪᓂᖃᖅᑐᓂᒃ ᐸᕐᓇᑦᑎᓂᒃ ᑲᑎᑎᑕᐅᓯᒪᔪᓂᒃ ᐊᔾᔨᒌᓐᖏᑦᑐᓂᒃ ᐃᓱᒪᖃᖅᑐᓂᒃ ᓯᓚᕐᔪᐊᒥ, ᐊᕕᑦᑐᖅᓯᒪᓂᖏᓐᓂ, ᐊᐅᓚᑦᑎᓂᕐᒥᓪᓗ. ᐅᖃᖃᑎᒌᖃᑦᑕᓚᐅᖅᑐᑎᑦ ᐸᕐᓇᑦᑏᑦ ᑐᓐᖓᕕᓕᐅᓕᓚᐅᖅᑐᑦ ᐊᔾᔨᒌᓐᖏᑦᑐᓂᒃ ᐱᖅᑯᓯᖃᖅᑐᑎᑦ ᐃᓱᒪᑐᓂᖏᓐᓂ, ᐱᓕᕆᔩᓪᓗ ᓴᖅᑮᑎᑦᑎᒍᓐᓇᓚᕿᕐᓂᖓᓐᓂ ᓄᓇᓕᕆᓂᕐᒥᑦ ᐅᓂᒃᑳᖃᕐᓂᕐᒥᑦ.
ᐃᓄᐃᑦ ᓂᓪᓕᕈᓐᓇᖅᑎᑕᐅᓗᑎᑦ ᓇᑭᑐᐃᓐᓈᖅᑐᑦ
ᕿᑭᖅᑖᓘᑉ ᐃᑭᕋᓴᖓ ᐊᐅᓚᑦᑎᖃᑎᒌᒻᒪᑕ ᐸᕐᓇᑦᑏᑦ ᐋᖅᑭᖅᑕᐅᓚᐅᖅᓯᒪᔪᖅ ᐃᓱᒪᖅᓴᖅᓯᐅᕐᓂᐊᕐᑕ ᓄᑖᕐᓂᑦ ᐊᔾᔨᐅᖏᑦᑐᓂᒃ ᐱᐅᖅᓱᐊᕋᓱᓐᓂᕐᒥᑦ ᕿᑭᖅᑖᓘᑉ ᐃᑭᕋᓴᖓᓐᓂ ᓇᓄᐃᑦ ᐊᓯᒃᑲᓐᓂᖏᓐᓂ, ᐊᒻᒪᓗ ᐊᑐᓕᖁᔭᖏᓐᓂᓪᓗ ᓴᖅᑮᓗᑎᑦ ᐆᒪᓕᕆᔨᓄᑦ ᐊᐅᓚᑦᑎᖃᑎᒌᑦᑐᓄᑦ ᑲᑎᒪᔨᓄᑦ ᓄᓇᕗᒻᒥ, ᓄᓇᑦᓯᐊᕗᒻᒥ ᓄᓇᕕᒻᒥᓪᓗ. ᐸᕐᓇᑦᑎᐅᖃᑕᐅᔪᑦ ᓇᑭᓐᖔᕈᓗᔮᖅᓯᒪᔪᑦ ᐊᔾᔨᒌᓐᖏᑦᑐᓂᓪᓗ ᐊᑐᖅᓯᒪᓪᓗᑎᑦ, ᒪᑯᓂᖓᓗ ᐃᓄᐃᑦ ᖃᐅᔨᒪᓂᑐᖃᖏᑦ, ᓂᕐᔪᑎᓕᕆᓂᕐᒥᑦ ᐆᒪᔪᓕᕆᓂᕐᒥᑦ, ᐃᓄᓕᕆᓂᕐᒥᑦ ᖃᔨᐅᓴᕐᓂᕐᒥᑦ, ᐋᓐᓂᐊᖅᑕᐃᓕᒪᓂᖅ, ᒪᓕᒐᓕᕆᓂᖅ ᐊᒻᒪᓗ ᐊᐅᓚᑦᑎᖃᑎᖃᕐᓂᖏᓐᓂ ᐱᖁᔭᕐᓂᑦ ᐊᓯᖏᓐᓂᓪᓗ ᐃᓱᒪᑦᑎᐊᖅᑐᑎᑦ.
ᐸᕐᓇᑦᑏᑦ ᐱᖃᓯᐅᔾᔨᓚᐅᖅᑐᑦ (ᖃᓪᓗᓈᑎᑐᑦ ᑎᑎᕋᐅᓯᖏᑦ ᒪᓕᑦᑐᒋᑦ ᐊᑐᐊᖅᑕᐅᓪᓗᑎᑦ): ᓵᓚᒪ ᐊᕙ, ᓯᑎᐸᓂ ᐋᑦᑭᓐᓴᓐ, ᐊᐃᕕ ᑳᒋ, ᑕᑭᓚᔅ ᑲᓛᒃ, ᓴᕆ ᐅᕋᐃᐸᓐ, ᑖᒪᓂᒃ ᕼᐊᓐᓄᕆ, ᐱᑦᓯᐅᓛᖅ ᕿᓚᕝᕙ, ᐊᐃᐅᓛ ᒥᑦᑐᖅ, ᑎᐅᕆᒃ ᐸᑐᓪ, ᓄᐊ ᐴᕝ
ᓄᓇᓕᓐᓂᑦ ᐱᓕᕆᖃᑎᖃᕐᓂᖅ
ᓇᓄᕐᓂᑦ ᐅᓂᒃᑳᓖᑦ ᑲᔪᓰᓐᓇᖅᑐᖅ ᐱᓕᕆᖃᑎᖃᐃᓐᓇᖅᑐᑎᓪᓗ ᓄᓇᓕᓐᓂ ᑕᕐᕆᔮᔅᓴᓕᐅᖅᑎᓂᒃ ᓄᓇᕗᒻᒥ, ᓄᓇᕕᒻᒥ, ᓄᓇᑦᓯᐊᕗᒻᒥ ᐊᒻᒪᓗ ᑲᓛᖡᑦ ᓄᓈᓂ ᐱᐅᔪᐊᓗᓐᓂᑦ ᓴᓇᓪᓗᑎᑦ. ᓄᓇᓕᓐᓂ ᑕᕐᕆᔮᔅᓴᓕᕆᔩᑦ ᑐᑭᓯᑎᑦᑎᑲᓐᓂᓪᓚᕆᒻᒪᑕ ᐱᖅᑯᓯᐅᔪᓂᒃ ᐊᔾᔨᐅᓐᖏᑦᑐᓂᒃ, ᓄᓇᓕᓐᓂ ᐊᖏᓂᖏᓐᓂ, ᐅᓂᒃᑳᖅᑐᐊᑐᖃᕐᓂᓪᓗ, ᑖᒃᑯᐊ ᐱᑕᖃᕆᐊᖃᓪᓚᕆᒻᒪᑕ ᐃᓄᓐᓄᑦ ᐅᓂᒃᑳᖅᑐᖃᕐᓂᐊᖅᑎᓪᓗᒍ ᐃᓕᓐᓂᐊᑎᑦᑎᓂᐊᖅᑎᓪᓗᒋᑦ ᓯᓚᑎᑦᑎᓐᓃᑦᑐᓂᒃ.
ᐃᓄᐃᑦ ᓂᓪᓕᕈᓐᓇᖅᑎᑕᐅᓗᑎᑦ ᓇᑭᑐᐃᓐᓈᖅᑐᑦ
ᑐᓴᕐᓗᑎᑦ ᓂᓪᓕᕈᓐᓇᖅᑎᑕᐅᓗᑎᑦ ᐱᓕᕆᐊᒥᑦ ᐱᖃᑕᐅᔪᑦ ᐊᓯᖏᓪᓗ ᓄᓇᓖᑦ ᑲᑎᖅᓱᐃᓯᒪᔪᓂᒃ ᓴᖅᑮᖃᑕᐅᓗᑎᑦ ᑕᕐᕆᔮᔅᓴᓂᒃ. ᑕᕐᕆᔮᔅᓴᐃᑦ ᑕᑯᔅᓴᐅᑎᑕᐅᓚᐅᖅᓯᒪᒻᒪᑕ ᓄᓇᕗᒻᒥ, ᓄᓇᕕᒃ, ᓄᓇᑦᓯᐊᕗᒻᒥᓪᓗ, ᓄᓇᓖᑦ ᐊᔾᔨᒌᓐᖏᑦᑐᓂᑦ ᕿᒥᕐᕈᖁᓪᓗᒋᑦ ᓂᓪᓕᐊᖃᑕᐅᓗᑎᓪᓗ ᐅᓂᒃᑳᖅᑐᐊᕐᓂᑦ ᓄᓇᓂᑦ ᑲᒪᑦᑎᐊᕆᐊᕐᓂᕐᒧᑦ ᐊᒻᒪᓗ ᐃᓄᐃᑦ ᖃᔨᐅᒪᔭᑐᖃᖏᓐᓂ. ᐱᓗᐊᖅᑐᒥᓪᓕ, ᑕᕐᕆᔅᓴᐃᑦ ᑕᑯᔅᓴᐅᑎᑕᐅᓚᐅᖅᑐᑦ ᐃᓅᓱᑦᑐᓄᑦ ᖃᓄᐃᑦᑐᑐᐃᓐᓇᖅᑎᒍᑦ, ᐅᑯᓄᖓᓗ ᓄᓇᕗᑦ ᓯᕗᓂᔅᓴᕗᑦ, 40−ᐅᓗᐊᖅᑐᓄᑦ ᑕᑯᔅᓴᐅᑎᑦᑐᑎᒍ ᖃᓄᕐᓗ ᑕᕐᕆᔮᔅᓴᐃᑦ ᐃᑲᔪᕐᓂᖃᕐᓂᐊᕐᒪᖔᑕ ᐱᖅᑯᓯᖏᓐᓂ ᑲᔪᓰᓐᓇᖁᓪᓗᒋᑦ ᓄᓇᓕᓐᓂ ᐱᔪᒪᓪᓗᑕ.
