top of page
ᐃᑲᔪᖅᑐᖅᑕᐅᓂᖏᑦ ᓄᓇᖃᖅᑳᖅᓯᒪᔪᑦ ᑕᑯᔅᓴᐅᓂᖏᓐᓂ ᓴᓐᖏᔪᐊᓗᒻᒥᓂᑦ ᑎᒍᒥᐊᕐᓂᖏᓐᓂ
ᓇᓄᕐᓂᑦ ᐅᓂᒃᑳᓖᑦ ᐱᓕᕆᐊᖏᑦ ᒪᓕᑦᑎᐊᕐᖓᑕ ᒪᓕᒐᖏᓐᓂ ᓄᓇᖃᖅᑳᖅᓯᒪᔪᑦ ᑕᑯᓐᓇᖅᑕᖏᓐᓂ ᓴᓐᖏᔪᐊᓗᒻᒥᑦ ᑎᒍᒥᐊᕐᓂᖏᓐᓂ, ᒪᑯᓂᖓᓗ ᐃᓕᓴᕆᔭᐅᓪᓗᑎᑦ ᐱᒻᒪᕆᐅᓂᖏᓐᓂ ᓄᓇᖃᖅᑳᖅᓯᒪᔪᑦ ᓄᓇᓖᑦ ᐊᐅᓚᑦᑎᓂᖏᑦ ᓇᒻᒥᓂᖅ ᐅᓂᒃᑳᖏᓐᓂ ᑭᒡᒐᖅᑐᖅᑕᐅᓂᖏᓐᓂᓪᓗ. ᒪᓕᑦᑐᑎᑦ ᒪᓕᒐᕐᓂᑦ ᑎᑎᕋᖅᓯᒪᔪᓂᒃ ᐅᕙᓂ ImagineNATIVE "ᐊᔾᔨᓕᐅᕆᓂᖏᓐᓂ ᒪᓕᒐᐃᑦ ᐊᖅᑯᑕᐃᓪᓗ" ᓄᓇᖃᖅᑳᖅᓯᒪᔪᓄᑦ ᑕᕐᕆᔭᓕᐅᕐᓂᕐᒧᑦ, ᐱᓕᕆᐊᕗᑦ ᓯᕗᓪᓕᖅᐸᐅᑎᒃᑲᑦᑎᒍ ᐅᑉᐱᕆᔭᖃᕐᓂᕐᒥᑦ, ᑲᒪᒋᐊᖃᕐᓂᕐᒥᑦ, ᑲᑐᔾᔨᖃᑎᒌᓐᓂᕐᒥᑦ ᐊᖏᖅᓯᒪᓂᕐᒥᓪᓗ, ᐃᑲᔪᖅᑐᐃᓗᑕᓗ ᐃᓄᐃᑦ ᓄᓇᓕᖏᓐᓂ ᐅᓂᒃᑳᖅᑐᐊᖅᑎᓪᓗᒋᑦ. ᓯᕗᓪᓕᖅᐸᐅᑎᒃᑲᑦᑎᒍᑦ ᓄᓇᓕᓐᓂ ᐊᐅᓚᑕᐅᓗᑎᑦ ᑕᕐᕆᔭᓕᐅᕐᓂᖅ, ᑕᐃᒫᒃ ᐃᓄᐃᑦ ᐃᓱᒪᒋᔭᖏᑦ ᐊᖏᖅᓯᒪᑎᓪᓗᒋᑦ ᐅᓂᒃᑳᑐᐃᓐᓇᖏᒻᒪᑕ ᑭᓯᐊᓂᓕ ᐊᑐᖅᑕᒥᓂᖏᓂ ᐅᓂᒃᑳᖅᑎᓪᓗᒋᑦ ᐊᑦᑐᐊᓂᖏᓐᓄᑦ ᓇᓄᕐᓄᑦ. ᐱᓕᕆᖃᑎᒌᑦᑎᐊᓂᒃᑯᑦ, ᐅᑉᐱᕆᔭᖃᑦᑎᐊᕐᓂᒃᑯᑦ ᐃᓄᐃᑦ ᖃᐅᔨᒪᓂᑐᖃᖏᓐᓂ ᐱᓯᒪᑦᑎᔪᓂᒃ, ᑕᕐᕆᔭᓕᐅᖅᑎᓂᒃ ᓄᓇᓕᓐᓂᓪᓗ, ᓇᓄᕐᓂᑦ ᐅᓂᒃᑳᖃᕐᓂᖅ ᐅᑉᐱᕆᔭᒥᓂᒃ ᐅᓂᒃᑲᕐᖓᑕ ᓴᓐᖏᔪᐊᓗᒻᒥᑦ ᑎᒍᒥᐊᕐᓂᖏᓐᓂ ᑎᒍᒥᐊᖅᑏᓪᓗ ᓄᐊᑦᑎᕕᐅᓗᑎᑦ ᑎᒍᒥᐊᖅᑕᒥᓂᒃ, ᐅᓂᒃᑳᑦ ᒪᓕᑦᑎᐊᖁᓪᓗᒋᑦ ᐃᓅᓯᕐᒥᓂᒃ ᐊᑐᖅᓯᒪᔭᒥᓂᒃ ᐅᓂᒃᑳᑎᓪᓗᒋᑦ ᐱᖅᑯᓯᖏᓐᓂᓪᓗ ᐃᓄᐃᑦ.
ᐃᓱᒪᒋᔭᐅᔪᑦ ᑎᑎᕋᖅᓯᒪᓂᖏᑦ
ᐃᓚᒋᖃᓯᐅᑎᒻᒪᒍ ᐃᓱᒪᒋᔭᖃᕐᓂᖅ ᖃᐅᔨᓴᕐᓗᓂ ᐊᒻᒪᓗ ᑕᕐᕆᔭᓕᐅᕐᓂᐊᕐᓗᓂ ᓂᐱᓕᓐᓂᑦ ᐃᓄᐃᑦ ᓄᓇᖏᓐᓂ, ᒪᓕᒋᐊᖃᕐᒥᒻᒪᑕ ᑲᓇᑕᒥ ᐃᓄᑦ ᐸᕐᓇᐅᑎᖏᓐᓂ ᖃᐅᔨᓴᕐᓂᕐᒧᑦ, ᐊᒻᒪᓗ ᐃᓱᒪᒋᔭᕆᐊᖃᖅᑕᖏᓐᓂ ᒪᓕᒐᕐᓂᑦ ᐊᖏᖅᑕᐅᓯᒪᓗᑎᓪᓗ ᓇᓗᓇᐃᔭᖅᓯᒪᔪᑦ ᐊᑐᓂ ᐃᓄᐃᑦ ᐊᕕᑦᑐᖅᓯᒪᓂᖏᓐᓂ. ᒫᓐᓇᐅᔪᖅ ᐃᓱᒪᒋᔭᐅᔪᑦ ᓈᒻᒪᒋᔭᐅᓯᒪᔪᑦ ᓄᓇᕗᑦ ᖃᔨᐅᓴᖅᑐᓕᕆᔨᒃᑯᓐᓄᑦ, ᓄᓇᑦᓯᐊᕗᑦ ᒐᕙᒪᒃᑯᖏᓐᓄᑦ ᖃᐅᔨᓴᖅᑐᓕᕆᔩᑦ ᐅᖃᐅᔾᔨᒋᐊᖅᑎᖏᓐᓄᑦ, ᓯᓚᑦᑐᖅᓴᕐᕕᔾᔪᐊᒥᓪᓗ (Memorial University). ᑕᒪᒃᑯᐊ ᐃᓱᒪᒋᔭᕆᐊᓖᑦ ᐱᓕᕆᔨᑦᑎᓐᓂ ᐃᓱᒪᖅᓴᖅᓯᐅᕈᑕᐅᓪᓗᑎᑦ ᖃᓄᖅ ᐃᑉᐱᓐᓂᐊᒐᔭᕐᓂᖏᓐᓂ ᐃᓄᓕᕆᓂᕐᒧᑦ ᐊᑦᑐᐃᓂᖃᕋᔭᕐᓂᖏᓐᓂ ᐱᖃᑕᐅᓗᑎᓪᓗᒋᑦ ᐱᓕᕆᐊᑦᑎᓐᓂ, ᐃᑲᔪᖅᑐᐃᑦᑎᐊᕈᒪᒐᑦᑕ ᓯᕗᓪᓕᖅᐸᐅᑎᒍᒪᓪᓗᑎᓪᓗ ᐃᓅᑦᑎᐊᕆᐊᖃᕐᓂᖏᓐᓂ ᐱᖃᑕᐅᔪᓕᒫᑦ ᑕᒪᑐᒥᖓ ᐱᓕᕆᐊᒥᑦ.
bottom of page