ᕿᑭᖅᑖᓘᑉ ᐃᑭᕋᓴᖓᓃᑦᑐᑦ ᓇᓄᐃᑦ
ᓯᕐᓚᕐᔪᐊᒥ ᓇᓄᐃᑦ ᐊᒥᓲᓂᖏᑦ ᐃᓛᒃᑰᖓᑎᑕᐅᒻᒪᑕ ᐊᕙᑎᐅᓪᓗᑎᑦ ᐊᕕᑦᑐᖅᓯᒪᔪᑦ, ᐃᓚᖏᑦ ᖃᑦᑏᓐᓇᕈᖅᐸᓪᓕᐊᔪᑦ, ᐃᓚᖏᑦ ᑕᐃᒪᐃᑦᑐᐃᓐᓇᖅᑐᑦ, ᐃᓚᖏᑦ ᐊᒥᓱᕈᖅᐸᓪᓕᐊᒐᓛᑦᑐᑎᑦ. 13−ᖑᓗᑎᑦ ᐊᕕᑦᑐᖅᓯᒪᔪᑦ, ᐅᕝᕙᓘᓐᓃᑦ 2/3 ᓯᓚᕐᔪᐊᒥ ᑲᑎᑦᑐᒋᑦ ᒥᔅᓴᐅᓴᑦᑕᐅᓯᒪᔪᑦ ᐊᒥᓲᓂᖏᑦ 26,000 (95% Cl: 22,000-31,000) ᓇᓄᐃᑦ, ᑲᓇᑕᐅᑉ ᐃᓗᐊᓂ.
ᕿᑭᖅᑖᓘᑉ ᐃᑭᕋᓴᖓᓂ ᓇᓄᐃᑦ ᐊᕕᑦᑐᖅᓯᒪᔪᓂᒃ ᐱᒋᐊᖅᑐᑎᑦ ᓄᓇᒥᑦ ᑎᑭᑦᑐᑦ ᐊᕗᖔᓗᒃ ᓛᐸᑐᐊᑉ ᐃᒪᖓᓐᓄᑦ, ᓱᓪᓗᐊᓗᒻᒧᑦ, ᕿᑭᖅᑖᓘᑉ ᐃᑭᕋᓴᖓᓄ ᓂᒋᐊᓄᑦ ᐃᑦᑕᕋᔭᓕᒻᒧᑦ ᑲᓇᑕᐅᑉ ᐃᓗᐊᓂ, ᐊᒻᒪᓗ ᐃᓚᖏᑦ ᓂᒋᖅᐸᓯᐊᓂ ᑲᓛᖡᑦ ᓄᓈᓂ. ᐊᐅᓚᑦᑎᖃᑕᐅᔪᑦ ᕿᑭᖅᑖᓘᑉ ᐃᑭᕋᓴᖓᓂ ᐊᕕᑦᑐᖅᓯᒪᔪᓂᒃ ᑲᒪᒋᔭᐅᖃᓯᐅᔾᔭᐅᔪᑦ ᒐᕙᒪᑐᖃᒃᑯᓄᑦ, ᑲᓇᑕᒥ ᐊᕕᑦᑐᖅᓯᒪᔪᓄᑦ, ᐅᑭᐅᖅᑕᖅᑐᒥᓪᓗ ᐊᕕᑦᑐᖅᓯᒪᔪᓄᑦ ᒐᕙᒪᒃᑯᓐᓂ ᑲᓇᑕᐅᑉ ᐃᓗᐊᓂ, ᐆᒪᔪᓕᕆᔨᓂᑦ ᐊᐅᓚᑦᑎᔨᓂᒃ ᑲᑎᒪᔨᖏᓐᓂ ᐊᒻᒪᓗ ᑎᒥᐅᔪᓂᒃ, ᓄᓇᑖᕈᑎᓂᓪᓗ.
ᖃᓄᐃᑉᐸᑦ ᕿᑭᖅᑖᓘᑉ ᐃᑭᕋᓴᖓᓃᑦᑐᑦ ᓇᓄᐃᑦ?
ᕿᑭᖅᑖᓘᑉ ᐃᑭᕋᓴᖓᓂ ᓇᓄᐃᑦ ᐊᕕᑦᑐᖅᓯᒪᔪᑦ ᐃᓱᖃᒥᔪᑦ ᐅᐊᓐᓇᖓᓂ ᖃᐅᔨᓴᖅᑕᐅᓯᒪᓂᖏᑦ, ᐊᑕᐅᓯᕐᒥᑦ ᖃᐅᔨᓴᖅᑐᑎᑦ ᓇᓄᕐᒥᑦ, ᒪᕐᕉᓐᓂᒃ ᒥᔅᓴᐅᓴᐃᓯᒪᓪᓗᑎᑦ, ᒪᕐᕉᓐᓂᒃ ᐋᖅᑭᔅᓯᒪᒪᔪᓂᒃ ᐊᒥᓲᓂᖏᓐᓂ ᖃᐅᔨᓴᐅᑎᓂᒃ. ᓇᓄᓕᕆᓪᓗᑎᑦ ᖃᐅᔨᓴᖃᑦᑕᓚᐅᖅᓯᒪᔪᑦ ᐊᑯᓐᓂᖏᓐᓂ 1974-1979 ᒥᔅᓴᐅᓴᐃᓪᓗᑎᑦ 700-900 ᓇᓄᖅᑕᖃᖅᑐᓂ ᓂᒋᐊᓂ ᕿᑭᖅᑖᓘ, ᐊᒻᒪᓗ 60-90 ᐅᐊᓐᓇᖓᓂ ᓛᐸᑐᐊ, ᑲᑎᑦᑐᒋᑦ 760-990 ᓇᓄᐃᑦ, ᐅᐊᑦᑎᐊᕈᒃᑲᓐᓂᖅ ᒥᔅᓴᐅᓴᑦᑕᐅᓯᒪᔪᑦ ᐋᖅᑭᒋᐊᖅᑕᐅᒻᒪᑕ 1,400 ᓇᓄᐃᑦ 1993−ᒥ ᐊᒻᒪᓗ 1,650 ᓇᓄᐃᑦ 2005−ᒥ. ᖃᐅᔨᓴᖅᑕᐅᓯᒪᔪᑦ ᐋᖅᑭᒋᐊᖅᓯᒪᔪᓂᒃ ᓯᕗᓪᓕᖅᐹᒥ (2005-2007) ᒥᔅᓴᐅᓴᑦᑕᐅᓪᓗᑎᑦ 2,158 ᓇᓄᐃᑦ, ᐋᖅᑭᒋᐊᖅᑕᐅᑦᑕᓕᕆᕗᑦ ᐅᐊᑦᑎᐊᕈᒃᑲᓐᓂᖅ 2,250 ᓇᓄᐃᑦ. ᐊᐃᑉᐸᖓᓐᓂ ᖃᐅᔨᓴᑦᑕᓕᕆᕗᑦ 2017-2018 ᒥᔅᓴᐅᓴᑦᑕᐅᔪᑦ 2,015 ᓇᓄᐃᑦ, ᖃᑦᑎᓐᓇᕈᒐᓛᔅᓯᒪᓪᓗᑎᑦ ᐊᕕᑦᑐᖅᓯᒪᔪᓂᒃ 2006-2018, ᖃᑦᑏᓐᓇᕈᒐᓛᔅᓯᒪᓪᓗᑎᓪᓗ.
ᐃᓄᐃᑦ ᖃᐅᔨᒪᔭᑐᖃᖏᓐᓂ ᖃᐅᔨᓴᕐᓂᖅ ᓄᓇᕗᒻᒥ, ᓄᓇᕕᒃ, ᓄᓇᑦᓯᐊᕗᒻᒥᓪᓗ ᐊᖏᖃᑎᒌᔅᓯᒪᔪᐃᓐᓇᐃᑦ ᕿᑭᖅᑕᓘᑉ ᐃᑭᕋᓴᖓᓐᓂ ᓇᓄᐃᑦ ᐊᒥᓲᓂᖅᓴᐅᓕᕐᖓᑕ, ᓄᓇᕗᒻᒥ, ᖃᐅᔨᒪᔪᑐᖃᐃᑦ ᐅᖃᖅᓯᒪᒻᒥᔪᑦ ᐃᓅᓯᓕᒫᒥᓂᒡᒎ ᑕᑯᓚᐅᖅᓯᒪᓐᖏᑦᑐᖅ ᐊᒥᓱᐊᓗᓐᓂ ᑕᐃᒫᒃ ᓇᓄᕐᓂ, ᑭᒻᒥᕈᒥᓪᓗ ᓇᓐᓂᐊᖏᓐᓇᖃᑦᑕᓲᑦ 1945−ᒥᓂᑦ, ᐸᓐᓂᖅᑑᒥᑦᑕᐅ ᑕᑭᓯᒪᓕᕐᒥᔪᑦ ᐊᒥᓲᓂᖅᓴᐅᓂᖏᓐᓂ 1990−ᒥᓂᑦ. ᓄᓇᕕᒻᒥ ᐊᒥᓲᓂᖅᓴᐅᓂᕋᐃᒻᒥᔪᑦ ᓇᓄᕐᓂᑦ 1970−ᒥᓂᑦ, ᐊᒥᓲᓂᖅᓴᐅᓕᖅᑐᑎᓪᓗ 1990−ᒥᓂᑦ ᓇᓐᓄᖅᑕᐅᕙᑦᑐᑦ. ᑕᐃᒫᔅᓴᐃᓐᓇᐸᓗᑦᑕᐅ, ᓄᓇᑦᑎᐊᕗᑦ, ᖃᐅᔨᒪᔪᑐᖃᐃᑦ ᐊᒥᓲᓂᖅᓴᐅᓂᕋᐃᒻᒥᔪᑦ ᓇᓄᕐᓂᑦ ᓛᐸᑐᐊᒥ 1990−ᒥᓂᑦ, ᐊᒥᓲᓂᖅᓴᐅᓕᖅᑐᑦ ᓄᓇᓕᓐᓅᓂᖅᓴᐅᓕᖅᑐᑎᓪᓗ ᓇᓄᐃᑦ.
A review and synthesis of documented Inuit knowledge related to the Davis Strait polar bear subpopulation
Hicks A., Durkalec A., Snook J., Borish, D., Breton-Honeyman K. (2022). Nanuk Knowledge and Dialogue Project: Inuit knowledge review and synthesis. A review and synthesis of documented Inuit knowledge related to the Davis Strait polar bear subpopulation. Project conducted and report prepared for the Torngat Wildlife, Plants and Fisheries Secretariat by Polynya Consulting Group 55pp.
Nunavut Inuit Qaujimajatuqangit on the health of the Davis Strait polar bear population
Tomaselli, M., Henri, D.A., Pangnirtung Hunters and Trappers Organization, Mayukalik Hunters and Trappers Organization, Akavak, N., Kanayuk, D., Kanayuk, R., Pitsiulak, P., Wong, P., Richardson, E.S., and Dyck, M. 2022. Nunavut Inuit Qaujimajatuqangit on the health of the Davis Strait polar bear population. Final project report. 117 pp. and appendice
