top of page
ᓇᓄᓕᕆᓂᕐᒧᑦ ᐅᓂᒃᑳᑦ ᐱᒋᐊᕈᑕᐅᓯᒪᓂᖓ ᐃᓕᓴᖅᓯᓯᒪᕗᖅ ᐱᖅᑯᓯᖏᓐᓂ ᐃᓄᐃᑦ ᓄᓇᑦᓯᐊᕗᖏᓐᓃᑦᑐᓂᒃ, ᓄᓇᕕᒻᒥ, ᓄᓇᕗᒻᒥ ᐊᒻᒪᓗ ᑲᓛᖡᑦ ᓄᓈᓂᑦ, ᐅᐱᖏᔭᐅᓪᓗᑎᑦ ᐊᑦᑐᐊᓂᖃᕐᓂᖏᓐᓄᑦ ᓄᓇᒧᑦ, ᐃᒪᕐᒧᑦ ᓂᕐᔪᑎᓐᓄᓪᓗ. ᐃᓕᓴᖅᓯᓯᒪᔪᒍᑦ ᑕᒪᒃᑯᓂᖓ ᐊᕕᑦᑐᖅᓯᒪᔪᓂᒃ ᓯᕗᓕᒥᓂᖏᑦᑕ ᐊᖏᕐᕋᒥᓂᖏᓐᓂ ᐃᓄᐃᑦ ᑕᐅᓴᖏᓐᓃᑦᑐᓂᒃ ᐊᕐᕌᒍᒐᓵᓗᓐᓂᑦ, ᐃᓕᓴᕆᓪᓚᕆᒻᒥᔭᕗᑦᑕᐅ ᖃᐅᔨᒪᓂᖏᑦ, ᐱᖅᑯᓯᖏᑦ ᑲᒪᑦᑎᐊᕐᓂᖏᓪᓗ ᑲᔪᓯᑏᓐᓇᕐᓂᐊᕐᓂᖏᓐᓂᓪᓗ. ᑕᒪᔅᓱᓂᖓ ᐱᓕᕆᑎᓪᓗᑕ, ᖁᔭᓕᓪᓚᕆᓚᐅᖅᑐᒍᑦ ᐃᓕᒍᓐᓇᖅᑎᑕᐅᓂᑦᑎᓐᓂ ᐱᓕᕆᖃᑎᖃᕈᓐᓇᖅᑎᑕᐅᓂᑦᑎᓂᓪᓗ ᐃᓄᐃᑦ ᓄᓇᓕᖏᓐᓂ, ᑕᐃᒃᑯᐊᓗ ᓂᓪᓕᐊᔪᑦ ᓯᓚᑐᔪᓪᓗ ᑐᑭᓯᑎᑦᑎᑲᓐᓂᖅᑐᓂᒃ ᐱᐅᖅᓱᐊᓂᕐᒥᑦ ᐊᕙᑎᑦᑎᓐᓂ. ᑕᒪᒃᑯᐊ ᑎᒍᔭᐃᓐᓇᕆᔪᒪᒐᑦᑎᒍ ᐱᓕᕆᖃᑎᖃᕐᓂᖅ ᐅᑉᐱᕆᔭᖃᑎᒌᓐᓂᖅ, ᑕᐅᖅᓰᖃᑦᑕᕐᓂᖏᑦ ᐊᒻᒪᓗ ᐅᓂᒃᑳᖃᖃᑦᑕᕐᓂᖏᑦ ᖃᐅᔨᒪᓂᖏᓐᓂ, ᐅᐱᒋᓪᓚᕆᑦᑕᓐᓄᑦ ᐃᓄᐃᑦ ᖃᐅᔨᒪᓂᖏᓐᓂ ᓯᓚᕐᔪᐊᒥ ᓯᕗᓕᕆᔭᕗᓪᓗ ᑕᒪᑐᒥᖓ ᓄᓇᓂᑦ.
bottom of page